-------------------------------------
第三章：神秘租客篇
七、劲索靓女租客
-------------------------------------

　　（前文提要：真係鸡春咁密都「步」得出仔！鸡雄岩岩「卓」完肥标个
老婆阿花，点知即刻就东窗事发，畀班同屋主知道左。为左「庵」住班死咸
湿佬把口，鸡雄呢个贱男竟然连阿花都出卖埋，安排佢畀人大镬炒！最后仲
搞到其中一个咸湿伯父「马上风」，就咁去左添……）

　　呢日鸡雄放工返到屋企，岩岩见到包租公阿水伯晌度数钱，于是就打趣
咁问：「阿水伯，咁叠水，中左六合彩牙？」

　　「咦，今日咁早呀，雄哥。」唔知係咪因为上次鸡雄得穿针引线，带契
佢有幸扑左肥标个靓老婆阿花呢？呢排条老野对鸡雄好似特别宽容咁。以前
佢都唔係点骚鸡雄既，而家就见亲佢都鬼死咁好口……

　　包租公跟住就笑嘻嘻咁话：「六合彩？发梦就有得中！不过依家都唔
错，我终于将间头房租返出去喇！」

　　「咁正！边条茂利咁够姜呀？」鸡雄笑住问。梗係啦，间房死过人架喎！
自从李伯果晚训训下去左之后，间房丢空左成两个几月，搞到包租公日日哭
口哭面咁。

　　「虾，讲开我都觉得怪！」包租公收返好Ｄ钱：「係两个后生仔女，个
样仲几正经、几『试正』既添！而且又唔讲价，我开四千就畀四千，按金连
上期都一次过畀哂。仲话听日就搬黎添喎！」

　　「咁奇怪？」鸡雄有Ｄ好奇。呢区又旧又杂，交通又唔方便，Ｄ后生仔
点会锺意架？不过听到係后生仔女，都好丫，至少有Ｄ生气，点都好过租畀
个几十岁既阿伯既。

-------------------------------------

　　过左两日，当鸡雄朝早起身晌厕所擦紧牙果阵，度门忽然畀人推开左，
吓左鸡雄一跳。但係佢都未转得切身，已经听到一把甜到漏既声话：「噢！
唔好意思，我以为冇人……」

　　鸡雄拧转头，个口仲咬住枝牙擦，成个人傻左咁呆呆望住岩岩畀人闩返
埋既厕所门，脑里面全部都係头先推门撞入黎果个女仔个靓样……

　　哗！正呀！佢拿拿林三扒两拨撩多两撩，吐左啖水，抹乾块面就冲左出
厕所。只见头先个靓女仲企晌走廊度。鸡雄忍唔住打雀咁眼咁打量下呢个望
落斯斯文文既靓女，Ｄ口水几乎滴左出黎……

　　话都冇咁快，只见佢腰板一挺，即刻由一个淫贱猥琐男变左个英明神武
既谦谦君子，仲学人扮到懒风趣咁同个女仔讲：「哈哈，我唔好意思就真，
边个叫我自己唔记得锁门喎……好彩我唔係晌度沖紧凉姐！」

　　「係咩？」点知条女只係皮笑肉不笑咁应左下，跟住就唔理佢，一闪身
推门行入左厕所。

　　噢！瘀哂！鸡雄当堂呆左晌度，好彩佢平时早就食惯哂柠檬，唯有苦笑
左一下，傻下傻下咁行返入房。

　　点知岩岩行到出厅，鸡雄就见到包租公同光头伯，仲有个头染左绿色都
唔知既肥标，企埋一齐晌度咬耳仔，佢梗係八八卦卦咁走过去睇下乜事啦？
只听到光头伯细细声咁话：「虾，果两个后生仔究竟搞乜鬼架呢？日日匿埋
晌房唔出黎，又唔煮饭食，餐餐都叫外卖。」

　　包租公就话：「係啰！佢地前日搬左黎之后就已经係咁架喇，成日都匿
埋晌房里面，都唔知晌度搞乜鬼？」

　　「唔会当左呢度係临时炮房挂？」光头伯淫淫笑住话。

　　「炮你个头！贪我呢度够残够旧咩？不过，如果真係我又唔拘呀！果条
女又后生又靓女，而且有波有箩，有前有后，如果真係出黎捞既我实帮趁！」
包租公笑到成桥烟屎牙都露哂出黎。

　　鸡雄一面听一面回忆紧头先果条女既相貌……头髮长长、瓜子口面、斯
斯文文、白白净净（肯定冇性病），望落应该都有五呎四、五高，至于身材
嘛……匆匆立下眼睇唔清楚，不过应该都唔会太差……鸡雄最记得就係佢擦
身而过留下果阵香味……真係谂返起都会即刻硬起上黎呀！

　　包租公又话：「不过佢地间房成日都静蝇蝇，如果係搞野，点会咁静喎？」

　　其实鸡雄都感觉到有Ｄ古怪，因为虽然个新租客已经搬左黎几日，佢都
係到今日先第一次见到佢地。其实呢几晚佢放工返黎都有留意下头房既动
静，但除左耐不耐有Ｄ人声之外，就係每晚都有人黎送外卖……同包租公讲
既一样……

　　果个靓女都话会有时浦下头，而另外果个男仔就更加好似完全冇咁出现
过咁，连去沖凉都闪闪缩缩咁等到深夜成屋熄哂灯先去，惊死畀人睇蚀咁。

　　古怪！真係古怪！……究竟呢两条友晌度搞乜鬼呢？

-------------------------------------

　　如是者又过左几日，一路都冇乜野特别事发生。鸡雄终于留意到原来果
个靓女每朝都会一早落街买报纸同早餐。于是有一日，佢就诈诈帝帝扮到好
巧合咁晌楼下撞佢。

　　「早晨，咦，乜咁桥既？」鸡雄见到个靓女行出大厦门口，即刻扮到好
似岩岩返黎咁行埋去。

　　条女忽然见到有人行埋黎，当堂打左个突。鸡雄都未行近，佢已经好有
警戒心咁退后左一步，皱哂眉头咁：「你乜水呀……？」

　　鸡雄扮哂忠厚咁，亦都退后少少耍哂手咁话：「小姐，係我呀……你个
同屋住客呀……果日擦紧牙妳撞入黎果个呢……」

　　「哦！」个女仔终于认得佢，面上有少少唔好意思咁笑左一下：「我认
得你喇！头先真係畀你吓左一跳。」

　　……其实唔认得都唔出奇，因为鸡雄今日个Look都算执得几整齐，同
平时果个猥琐样又真係有少少分别既。

　　「对唔住喎！」鸡雄伸手抓下个头，拎条毛巾抹汗，又带住少少自嘲咁
话：「我个样又真係几吓人既？」

　　个靓女即刻「咭」咁笑左下：「咦，你岩岩跑完步牙？」佢好似有Ｄ意
外咁。又难怪既，鸡雄个死款边似咁健康喎？

　　「係呀！」鸡雄笑住话：「冇办法啦，我地呢Ｄ打工仔冇钱去健身，唯
有朝朝跑下步当运动啰。」

　　「跑步好丫！」个女仔笑笑口话：「我都成日跑步架。」

　　「咁搵日一齐跑啰。」鸡雄即刻鬆毛鬆翼，烂泥即係烂泥，讲多两句已
经露出左个急色样；仲有少少流口水添。

　　「好！搵日啰……」个女仔即刻眉头一皱，好敷洐咁应左句。

　　鸡雄见佢神色一变，即刻知死。好快又换返副忠厚老实既样：「咦？係
勒，妳咁早落黎买早餐牙？」

　　「你……你点知架？」个女仔好明显有少少戒心。

　　鸡雄即刻洒哂手：「冇……冇呀……我纯粹靠估架咋！我冇专登昅妳
架！」

　　佢咁讲，分明係「此地无银」姐！不过个女仔又似乎几受咁喎……

　　「哈哈，唔驶唔好意思，我信你喎！」个女仔见到鸡雄个尴尬样，面色
当堂鬆返少少，眼珠一转，又笑笑口咁问鸡雄话：「係勒，你知唔知附近边
度Ｄ猪肠粉好食呀？呢几日朝朝食三文治，食到嘴都歪哂。」

　　鸡雄当堂眉飞色舞咁话：「梗知啦，成个大角咀最靓果档肠粉梗係隔离
街发记啦！听讲连Ｄ大富豪都会叫司机渣车黎买，真係好正架。」

　　个女仔似乎几为食咁，听到都好似有Ｄ流口水。鸡雄即刻打蛇随棍上：
「横掂我今朝都想食白粥肠粉，不如我带妳去丫？如果……妳唔介意既
话……」

　　「咁……」个女仔仲有少少犹疑。鸡雄即刻补多句：「係就行快步喇，
发记Ｄ肠粉好多人买架，晏少少就卖哂架喇。」

　　个女仔谂左一谂：「好啦！咁就麻烦你……呀，咁耐都唔记得问你点称
呼添？」

　　「呵呵……」鸡雄摸下自己个头，笑笑口话：「呢头个个都叫我阿雄既。」
佢当然唔敢话畀个靓女听，前面仲有个「鸡」字啦。

　　「啊！原来係阿雄哥。你好，我叫Carol。」讲完仲伸左只手出黎同鸡
雄握手添。

　　鸡雄受宠若惊咁伸手，不过又缩返埋去，有Ｄ尴尬咀苦笑话：「我成手
都係汗，好污糟既。」

　　Carol反而冇乜野，一手渣实鸡雄只手，好爽朗咁握左一下：「车！大家
后生仔女，有乜所谓喎？」

　　「係……係既……妳讲得岩……」鸡雄又笑左一下，个样傻傻地咁，竟
然好难得咁有少少可爱。Carol忍唔住又「咭」一声笑左出黎：「好喇！唔讲
喇。又话Ｄ肠粉好快卖哂既？我地不如快Ｄ行啦。」

　　「哦……」鸡雄畀Carol一笑，几乎连个魂魄都飘走左咁滞。听到佢咁
讲，先回一回神，笑嘻嘻咁带住Carol一齐行。

　　……其实佢个心里面仲挂住头先握住carol只手仔Ｄ感觉。

　　讲真，鸡雄咁大个仔都冇乜机会咁样同个女仔一齐行街……就算以前读
紧书果阵，Ｄ女同学都唔锺意同佢一齐行；估唔到而家竟然可以同一个咁靓
既女仔一齐行……直头好似拍紧拖咁，鸡雄真係有少少飘飘然既感觉。

　　佢一路行又一路偷偷地咁昅下Carol，见佢个样斯斯文文咁，显然好有
家教。虽然佢面上一Ｄ化妆都冇，但係青春就係好好既化妆品，佢Ｄ皮肤又
白又滑，就算「素颜」都一样天下无敌，直头可以去卖护肤品广告。

　　……鸡雄心谂：「如果可以『颜射』佢就正咯！」忍唔住又一路望落去……

　　Carol今日虽然着住套长袖运动衫裤，乜都遮到陷哂，但係个心口依然
胀卜卜咁，睇得出佢既身材确係非常之唔错。

　　Carol似乎感觉到鸡雄既眼光，忽然间行开左少少。鸡雄即刻醒水，搭
低头讲左句「对唔住」，跟住就眼望前方，目不斜视咁。

　　Carol见佢咁老实，当堂嫣然一笑，又行返埋少少。跟住仲主动开口：
「喂！冇野喎，我都畀人昅惯架啦。」语气里面好明显有少少自豪。

　　鸡雄即刻接口话：「我信架！妳生得咁靓女……」都未讲完，Carol已经
扮哂嬲咁话：「咁你即係认头先晌度昅我啦？」

　　「下！我……我……」鸡雄打左个突，当堂面红。

　　Carol见到鸡雄个傻样，又忍唔住「咭」一声咁笑：「哈哈……我整蛊你
架咋！」

　　鸡雄唯有苦笑，不过心里面就甜到好似嗒哂糖咁。

　　佢谂返起今年年初三畀大姨妈拉左出车公庙求籤，果个解籤佬仲话佢今
年行正桃花运添……果阵佢仲话个解籤佬呃钱兼冇料到，而家佢终于有少少
相信咯。

-------------------------------------

　　係咪行桃花运可能言之尚早，不过果朝鸡雄晌成班街坊又羡慕又妒忌，
当然仲有少少诧异既目光中，陪住Carol晌发记食左佢咁大个仔最好味既一
碟猪肠粉……虽然之后佢根本连自己食左碟乜野肠都唔记得。

　　Carol份人原来几健谈，两个人一路食一路爹……鸡雄除左饱餐左一轮
Carol既秀色之外，仲知道左佢唔少野……例如佢今年只得十九岁、仲读紧
书、原本同屋企人住晌西贡，依家放紧假……之类啦……甚至乎连佢最锺意
既歌星係乜春「棒棒堂」鸡雄都知道埋。

　　……不过关于房里面另外果个人，鸡雄就一Ｄ野都问唔到。

　　到食完野走果阵，鸡雄见到佢买多左份早餐，随口问左句：「咦，係喎，
乜你个Friend唔一齐出黎既？」

　　Carol听到即刻面色一沉：「哦……冇呀！佢冇咁早起身……」

　　鸡雄见佢答得闪闪缩缩咁，又多口问多句：「係勒，果个男仔係唔係你
男朋友呢？」

　　Carol呆左一呆：「男仔？边个呀……」跟住嘴角抽左一抽，有少少笑意
咁话：「哦……佢牙？算係啦……」跟住又啤左鸡雄一眼：「做乜野呀？问咁
多野，想沟我牙？」

　　「下？我边够资格呀？」鸡雄畀人一野督穿左，当堂面红啦；抖左啖大
气定定神，忍唔住又口花花咁话：「妳生得咁靓女，如果妳肯我又唔拘呀！」
见到Carol又黑面，即刻又改口话：「讲笑诈……讲笑诈……」

　　Carol掘左佢一眼，跟住又「咭」咁笑左声：「我都係讲笑诈。Jacky係
我契大佬黎架。」

　　啊！原来条靓仔叫Jacky……

　　（后话：哗！都唔知係咪真係开始转运，鸡雄Ｄ艳福真係好到冇朋友！
竟然会咁好彩撞到个索到爆既女租客，仲同佢做左朋友添？不过呢个Carol
神神秘秘咁，究竟係乜料呢？而且佢条仔好似仲神秘Ｄ咁喎……下一集：「秘
密揭盅」……不过，我估你地都係关心鸡雄几时先扑到Carol多Ｄ？係咪？）